بقلم رئيسة مجلس الادارة ورئيسة التحرير الاعلامية الاستاذة – اميرة الرويقي –
بالصور .. رمضان في تونس
شهية طيبة هكه نقولو في تونس قبل موعد شقان الفطر بشوية في العشية خاصة
وشقان الفطر يعني الافطار
ونشق فطرنا على تمر وبسيسة رائعه حنطة يعني,,, وشربة ماء مثلجة شوية مش برشه من الثلاجة وحتى نقول قبل اي بدية افطار
( اللهم اني لك صمت وعلى رزقك افطرت فاغفر لي ما قدمت وما اخرت
ذهب الظما وابتلت العروق والخ؟؟؟
ونبدا باكل الشربة التونسية الرائعة لسان عصفور او شربة الشعير المقلى جيدا ولا نقدر نستغنى عن الشربة اما بالددجاج او بالحوت التريليا ( السمك ) او بلحم العلوش او حتى البقري كما انت تحب
ونوتصل باكل البريك التونسي اللي بالفص متاع العظمة اي البيضة او بريك الدنوني الرائع
والسلاطة المشوية اممممم الله نودكم ولا نشهيكم ونقوللكم هي اتفضلوا معنا على مائدة رمضان التونسية الحرة فمطبخنا التونسي ولا اروع ولا يعلى عليه ابدا والله لو دورت السند والهند مش باش نلقى ماكلة وكوجينة كيف ماكلتنا وكوجينتنا التونسية الكوجينة كما تعودنا نسميها هو المطبخ اما الخبز العربي كما نسميه واو منقوللكمش نصنعه بالبيت بالزرارع كالبسباس والسمسم جلجلان والزبيب احيانا والسينوج كلها نفوح بها الخبز العربي في الدار ونقدمه وقت شقان الفطر , الافطار يعني او في السحور , وثمة المسفوف بالحليب او الزبيب كما تريدون وهذه اكلة معروفة عندنا ناكلها خاصة في السحور ونقدر زاده نحط التمر او الزبيب وحتى العنب كل على كيفه يعني.
مهو انا منقدرش نتكلم على رمضان في تونس من غير ما نحكيلكم عليه بلهجتنا التونسية الرائعة الجمال
وتطول قائممة الاكلات في رمضان تونس كانت هذه فقط بعض منها لا اكثر
واللمة في رمضان هي عنوانه والمؤشر والدليل على اننا في شهر الصيام
وسواء كان شهر رمضان ايام زمان في تونس او الان مفيش فرق بعيد الا الشكل واللون
مثلا امس كانت التلفزة التونسية في بداياتها بالابيض والاسود وكنانتفرج واحنا اطفال على امي تراكي ناس ملاح والحاج كلوف وغيرهما وعمتي عايشة راجل وغيرهم من المسلسلات الرائعة المتعددة
اما الان فكل المسلسلات سواء هنا في تونس او في اي بلد عربي لا نجد بها الا العنف والضرب وسيلان الدماء واشياء جدا فضيعة اصبحنا نراها على المباشر وفي واقعنا المر تونسيا عربيا وبالالوان زاده اي امالة ويالها من الوان خاصة الحمراء منها
الان اصبحت المسلسلات وافلام الرعب والارهاب نراها ونلمسها ونكتوي بنارها على ارض الواقع
لا اريد ان افسد عليكم فرحتكم برمضان وشقان الفطر لا بل كان لا بد ان اعرج على هذه النقطة الهامة جدا التي اعيب فيها على المنتجين وكتاب السيناريوخات وحتى الممثلين وهم مجرد دمى بايدي هؤلاء
اين منا رمضان يا ناس في كل هذا؟؟
رمضان في تونس نعم رمصان جدا رائع ولمة العائلة وخاصة على مائدة الافطار شيئ يخليني نقول اي والله مازالت البركة ومازال رمضان يجمعنا حول موائده على امتداد ثلاثين يوما
ياترى هل سنجتمع يوميا على موائدنا حين رمضان يروح؟؟ الله اعلم
انقوللكم رمضانكم مبروك وكل عام وانتم بخير اخوتنا اشقاءنا في كل العالم العربي والاسلامي
